国产动画音乐分享组

宫崎骏最新动画《毛毛虫菠萝》

DD粤语 2018-08-09 16:19:35



由宫崎骏执导嘅最新短篇动画《毛毛虫波萝》,3月21日喺三鹰之森吉卜力美术馆嘅视频放映厅“土星座”上映。



据说係限定上映哦,时间截止到8月底。小编都冇时间去睇,只能够睇睇花絮视频啦~




故事讲述嘅係啱由卵入面孵化出嚟嘅毛毛虫——波萝,俾第一次睇到嘅大千世界中各种各样嘅事物所吸引,向住未知嘅世界前进探索嘅故事。



呢条肥嘟嘟嘅毛毛虫好卡哇伊啊~



你又知唔知?呢部只有14分20秒嘅动画短片,对于宫崎骏嚟讲,意义非凡。因为一直坚持手绘嘅佢,终于用咗新技术CG(CG:电脑绘图)嚟制作动画。


哇!老爷子竟然与时俱进喇!真係不可思议嘅事情啊。


喺拍摄作品《悬崖上的金鱼姬》嗰阵,佢曾经告诫后辈们“最好唔好用电脑”,佢觉得电脑技术会令独具匠心嘅制作变成流水线式嘅生产,“CG 后面仲跟住 3D 技术,然之后就不由自主咁向迪斯尼嘅风格投降啦。”



呢次宫崎骏喺设计毛毛虫嘅形象时,因为片中毛毛虫移动时嘅躯体各部分动作,单纯用手绘,无法完全呈现出宫崎骏想要嘅状态,所以不得已先至使用电脑辅助完成。


波萝每一条毛发嘅运动都係经过咗电脑精确嘅计算,睇起身自然,生动又可爱。



呢个小波萝啱出世睇世界嘅镜头,精益求精嘅老爷子觉得呢个动作太成人化喇。



于是,亲自学习咗电脑画画。



喺经过几个月嘅反复修改后,终于有咗一个完美嘅修改方案。而家嘅波萝生成咁样,係咪有D傻得嚟又得意呢?



用CG嘅另外一个原因亦都好简单,就係老爷子年事已高,精力跟不上喇,佢曾说无法好似之前一样集中精力,画到一半身体就开始僵硬。


不过《毛毛虫波萝》只係部分用咗电脑辅助,前提仍然係需要精细无遗嘅手绘图。



日本媒体用《宫崎骏终于认可了CG动画》咁样嘅标题,嚟形容呢个曾经拒绝电脑绘图嘅老爷子喺古稀之年嘅改变。


而家嘅动画,基本上都係CG制作。宫崎骏却反其道而行之,一直坚持手绘,有时候单单四秒嘅镜头,都会花上一年几嘅时间去打磨,人哋都话佢係动画界最后坚守嘅人。



对于工作本身,宫崎骏亦都係个严格嘅“恶老板”,唔会有一丝妥协,甚至有D刻薄,所有画稿都要自己审阅修改,唔满意就全部退回重做。



佢对越有才华嘅人要求越係严格,佢嘅制作团队经常喺欣喜若狂同战战兢兢中来回转换。



佢一生追求美



呢位任性嘅老爷子,一次又一次咁退休复出、退休复出……即便係宣布退休嘅日子,佢每日仍然係嚟工作室帮助后辈。



76岁嘅宫崎骏,如今佢嘅手已攞唔稳笔,仲患有眼疾、腱鞘炎,不过佢仍然坚持喺创作嘅岗位上。



有人担心佢,问佢如果做到一半死咗点办?佢嘅回答却係:“嗰这部电影想必会大卖。”




宫崎骏呢次唔单只带嚟咗《毛毛虫波萝》,而且,佢亦都已经喺度紧下一部长篇动画电影——《你想活出怎样的人生》(暂定名)。



据悉,呢部动画长片宫崎骏仲会係用手绘嚟完成。该片有望于2019年上映。


睇嚟,老爷子退唔退休嘅讲法,可以忽略喇。


翻译:DD



我们的粤语,正在消失

如果你热爱粤语

请转发

多一个人转发,多一分力量



Copyright © 国产动画音乐分享组@2017